Кыргызстандын төрт облусундагы бир нече калктуу конуш айыл болду

11:47, 12 января 2024, Бишкек - 24.kg

Президент «Баткен, Ош, Чүй жана Ысык-Көл облустарынын жана Ош шаарынын айрым калктуу конуштарын айыл категориясына киргизүү жөнүндө» мыйзамга кол койду.

Ал 2023-жылдын 29-ноябрында Жогорку Кеңеш тарабынан кабыл алынган.

Аталган мыйзамдын максаты болуп:

Баткен районунун Кара-Бак айыл аймагынын Момунов;
Кадамжай районунун Кадамжай шаарынын Жаңы-Жер жана Жийделик;
Исхак-Полотхан айыл аймагынын Келечек;
Ош шаарынын Качыбек, Мээркан жана Татар;
Ош облусунун Кара-Суу районунун Кашкар-Кыштак айыл аймагынын Кайрагач;
Мады айыл аймагынын Достук жана Кызыл-Тал;
Ноокат районунун Т. Зулпуев айыл аймагынын Калдай;
Чүй облусунун Сокулук районунун Кызыл-Туу айыл аймагынын Исмаил;
Ысык-Көл облусунун Түп районунун Сары-Булак айыл аймагынын Келечек калктуу конуштарын айыл категориясына киргизүү эсептелет.

Мыйзам расмий жарыяланган күндөн тартып он күндөн кийин күчүнө кирет.