Бүгүн «Чек талап кылып, байге утуп ал!» кызыктыруучу лотереясынын байгелерин ойнотуунун төртүнчү күнү болуп өттү. Бул тууралуу Салык кызматы билдирди.
Түз эфирдин жүрүшүндө 234 байге ойнотулду: 100 iPhone14, 100 смартфон, 30 ноутбук жана 4 Dyson чач кургаткычы.
Утуштар Салык кызматынын Facebook жана YouTube баракчаларынан түз эфирде көрсөтүлөт. Башталышы саат: 13.00.
Эскерте кетсек, 25, 26 жана 27-декабрда 751 байге ойнотулду. Утуштар 29-декабрга чейин созулуп, күн сайын 234 байгеден ойнотулат.
Негизги иш-чара 30-декабрда өткөрүлүп, 10 батир, 11 электромобиль жана чет өлкөгө 4 жолдомо берилет. Утуштар саат 15:00дө түз эфирде көрсөтүлөт.
