Кыргызстандын мамлекеттик карызы 6 миллиард доллардан ашты

Октябрдын жыйынтыгы боюнча Кыргызстандын мамлекеттик карызы (тышкы жана ички) 6 миллиард 590 миң долларды (535 миллиард 972,58 миллион сом) түздү. Мындай маалыматтарды Финансы министрлиги билдирди.

Маалыматта белгиленгендей, 4 миллиард 482,43 миллион доллар (400 миллиард 370,38 миллион сом) тышкы карыз, ал эми 1 миллиард 518,16 миллион доллар (135 миллиард 602,2 миллион сом) бул ички карызды түзөт.

Бир айдын ичинде мамлекеттик карыз 13,58 миллион долларга өстү. Тышкы карыз 4,15 миллион долларга азайып, ички карыз 17,72 миллион долларга өскөн.

Тышкы карыздын жарымынан көбү (52,4 пайызын) Кыргызстандын көп тараптуу зайымдары — 2 миллиард 347,93 миллион доллар. Дагы 2 миллиард 77,55 миллион доллар (тышкы карыздын 46,3 пайызы) өлкө эки тараптуу жеңилдетилген насыялардын алкагында карыз. Анын ичинен республиканын тышкы карызынын 38,1 пайызын Кытайдын Экспорттук-импорттук банкына болгон карыз ээлейт, ал октябрь айынын жыйынтыгы боюнча 1 миллиард 705,85 миллион долларды түздү.