«Рух Ордо» борбору мамлекеттин балансына өтүп, республиканын бюджетине 537 миллион сом кайтарылды. Бул тууралуу УКМКнын басма сөз кызматы билдирди.
Мекеме 21-ноябрда Камчы Көлбаевдин уюшкан кылмыштуу тобунун мүчөлөрүн каржылоого катышкан Александр Сан кармалганын белгиледи. 18-декабрда ал Ысык-Көл облусунун Чолпон-Ата шаарында жайгашкан «Рух Ордо» туристтик-экскурсиялык борборун мамлекеттин балансына өткөрүп, республикалык бюджетке 537 миллион сом кайтарды.
Фото УКМКнын басма сөз кызматы. «Рух Ордо» борбору
«УКМК тарабынан Камчыбек Асанбекке таандык мүлктү аныктоо жана мамлекетке кайтаруу боюнча тиешелүү тергөө-ыкчам иш-чаралары улантылууда», — деп айтылат маалыматта.
