16:24, 05 декабря 2023, Бишкек - 24.kg
Кыргызгидромет кызматынын билдирүүсүнө ылайык, 9-12-декабрларында аба-ырайынын кескин өзгөрүшү күтүлүүдө. Бул тууралуу Өзгөчө кырдаалдар министрлигинин басма сөз кызматы билдирди.
Көпчүлүк аймактарда мезгил-мезгили менен кар, айрым жерлерде жаан-чачын катуу жаашы күтүлөт. Зымдарга жана бактарга суу кар жабышат. Жолдор тоңголок жана тайгак болуп, кар күрткүсү болушу мүмкүн.
Бул күндөрү батыштан соккон шамалдын ылдамдыгы айрым жерлерде секундасына 17-22 метрге жетет.
Синоптиктердин маалыматына караганда, 9-11-декабрларда абанын температурасы акырындык менен төмөндөйт. Тоолуу райондордо температура −10 градуска чейин түшүшү мүмкүн.
Мындай суук аба-ырайы жайыттарда малды кармоону, унаа, энергетика жана коммуналдык казматтардын ишин кыйындатат.
«Алыскы жолго чыгаарда унаага дөңгөлөк чынжырчасын, күрөк, дары-дармек топтомун, тамак-аш жана ысык суу алууну унутпаңыз. Унаалар ортосундагы аралыкты так сактап, кырсык катталган учурда 112 кызматына чалып, жардам чакырыңыз. Чалуу акысыз жана күндүр-түндүр кабыл алынат», — деп билдирди мекеме.