14:09, 01 декабря 2023, Бишкек - 24.kg
Абитуриенттерди жогорку окуу жайга кабыл алууда жалпы республикалык тестирлөөнүн босого баллы бара-бара жогорулайт. Бул тууралуу «Ата Журт Кыргызстан», «Ишеним» жана «Мекенчил» депутаттык фракцияларынын жыйынында Билим берүү жана илим министри Догдуркүл Кендирбаева билдирди.
Анын айтымында, педагогикалык адистиктерге кабыл алуу үчүн босого балл 5 пайызга, ЖРТнын орточо босого баллы 2 пайызга жогорулайт.
«Биздин болжолго ылайык, 2024-жылы бюджеттик орундарга босого балл 123 болот. 2023-жылы ал 110 болчу. 2023-2024-окуу жылында педагогикалык адистиктерге тапшыргандардын орточо баллы 160 баллды түздү», — деди ал.