11:25, 28 ноября 2023, Бишкек - 24.kg
№ 33 мектеп кайрадан эвакуацияланды. Бул жөнүндө 24.kg агенттигине Свердлов райондук ички иштер башкармалыгынын басма сөз кызматы билдирди.
Маалыматка ылайык, болжол менен саат 09.50дө «102» кызматына №33 мектептин имаратына бомба коюлганы тууралуу билдирүү түшкөн.
«Окуя болгон жерге дароо Свердлов райондук ички иштер башкармалыгынын тергөө-ыкчам тобу барып, аймакты курчоого алышты. Окуучулар жана мектеп кызматкерлери эвакуацияланды. Учурда жеринде ИИМдин кинологдору иштеп жатат», — деп билдиришти мекемеден.
Эскерте кетсек, бомба тууралуу билдирүүдөн улам мектеп кечээ да эвакуацияланган.