13:07, 13 ноября 2023, Бишкек - 24.kg
Кыргызстандыктар спорттук бал бийи боюнча дүйнө чемпиону болушту. Бул тууралуу спорттук бий федерациясынан билдиришти.
Алар маалымдагандай, Арменияда жыл сайын өтүүчү эл аралык турнир болуп, анын алкагында «жаштар латинасы» категориясында WDSF дүйнөлүк чемпионаты өттү.
Турнирге 25 өлкөнүн, анын ичинде АКШ, Кытай, Франция, Италия, Латвия, Польша, Португалия, Япония, Казакстан жана башка өлкөлөрдүн спортчулары катышты.
Кыргызстандык жуп Владимир Вырлеев Менен Мария Прошлецова дүйнө чемпиону титулуна ээ болушту.
Федерациядан белгилешкендей, мындай натыйжага кыргызстандык бийчилер тарыхта биринчи жолу жетишти.