03:51
USD 89.42
EUR 96.93
RUB 0.98

Таштанды челектен табылган ымыркайдын энеси тергөө абагына киргизилди

Бишкектин Октябрь райондук соту таштанды челектен табылган наристенин энесин камакка алды. Бул тууралуу соттон билдиришти.

Белгилей кетсек, келин 2024-жылдын 11-январына чейин тергөө абагында болот.

Эске салсак, 8-ноябрь күнү саат 23:30да «102» кызматына Толстой менен Элебаев көчөлөрүнүн кесилишиндеги таштанды челектен желим баштыкка оролгон ымыркай табылганы тууралуу маалымат түшкөн.

Аталаган факты боюнча Октябрь райондук ички иштер башкармалыгынын тергөө кызматы Кылмыш-жаза кодексинин 37-125-беренеси (энеси тарабынан жаңы төрөлгөн баланы өлтүрүүгө аракет кылуу) менен кылмыш ишин козгоду. Милиция баланын энесин таап, кармады. Баланын атын Садыр коюшту.

Эң көп окулган жаңылыктар
29-февраль, бейшемби