09:53, 26 октября 2023, Бишкек - 24.kg
Тажикстандын премьер-министри Кохир Расулзода Кыргызстанга келди. Бул тууралуу министрлер кабинетинин басма сөз кызматы билдрди.
«Манас» эл аралык аэропортунан Кохир Расулзоданы министрлер кабинетинин төрагасынын орун басары Бакыт Төрөбаев тосуп алды.
Премьер-министр бүгүн, 26-октябрында Бишкекте өтө турган Шанхай Кызматташтык Уюмуна, Көз карандысыз Мамлекеттер Шериктештигине мүчө мамлекеттердин өкмөт башчыларынын кеңешинин жыйынына жана Евразия өкмөттөр аралык кеңешинин жыйынына катышат.