09:52, 10 октября 2023, Бишкек - 24.kg
УКМК кыргыз-казак чек арасында ишкерлерден акча талап кылган уюшкан кылмыштуу топтун мүчөлөрүнүн жакын туугандарын кармады. Бул тууралуу мекеменин басма сөз кызматы билдирди.
Маалыматка ылайык, кыргыз-казак чек арасындагы көзөмөл-өткөрмө бекетиндеги трансулуттук кылмыштуу топ Кыргызстанда иштеген жеке ишкерлерден опузалап акча алуу боюнча туруктуу кылмыш схемасын уюштурган.
Кылмыш-жаза кодексинин 231-беренеси «экономикалык контрабанда» боюнча кылмыш иши козголду. Кыргызстандын М. О. Р. жана С. у. Т. Аттуу жарандары кармалды.
Кылмыш схемасына тиешеси бар жогорку кызматтагы жана кызмат адамдарын аныктоо боюнча ыкчам-тергөө иш-чаралары улантылууда.