09:39, 29 сентября 2023, Бишкек - 24.kg
Президент Садыр Жапаров Берлин шаарында кыргыз диаспорасынын өкүлдөрү менен жолугушту.
Мамлекет башчысы иш сапарынын алкагында пландаштырылган иш-чараларга, ошондой эле өлкөдө жүргүзүлүп жаткан реформаларга кыскача токтолду.
Берлиндин борборундагы Кыргызстандын Элчилигинин аймагында орнотулган айкелдин маанисин белгилеп, Садыр Жапаров «Манас» эпосу кыргыз элинин жалпы тарыхын, каада-салтын жана үрп-адаттарын камтыган тарыхый баа жеткис булагы болуп саналарын белгиледи.
«Биздин ата-бабаларыбыздын калтырган бул зор осуяты бүгүнкү күндө да өзүнүн маанисин жоготкон жок жана бизге дайыма жол көргөзүп келет — бул элди биримдикке, ынтымакка чакыруу», — деди президент.
Садыр Жапаров мекендештерге кайрылып, кыргызстандыктар өлкө менен дайыма байланышта болуп, мекенине кошкон салымдарын мындан ары да улана берерине ишеним артты.