11:02, 07 сентября 2023, Бишкек - 24.kg
Кыргызстандын футбол боюнча жаштар курама командасы Словениянын Любляна шаарында 6-12-сентябрда өтө турган Slovenia Nations Cup эл аралык турнирине катышып жатат. Бул тууралуу Кыргыз футбол союзу социалдык тармактарда билдирди.
Мирлан Эшеновдун тарбиялануучулары биринчи күнү Исландия курамасына 0:1 эсебинде утулуп калышты.
Турнирге Казакстан, Кыргызстан, Португалия, Мексика, Исландия, Словения, Сауд Арабия жана БАЭ командалары катышууда.
Кыргызстандыктар БАЭнин (9-сентябрь) жана Сауд Арабиянын (12-сентябрь) курама командалары менен ойнойт.