17:39, 05 сентября 2023, Бишкек - 24.kg
Бишкекке 1 миң 300 автобус алынып келинсе, маршруткалар шаардын борбордук бөлүгүнөн алынат. Бул тууралуу журналисттерге вице-мэр Максат Сазыкулов билдирди.
Анын айтымында, азырынча сөз Курманжан датка — Түштүк магистралы — Садырбаев — Жибек Жолу көчөлөрү менен чектелген аянт тууралуу болуп жатат.
«Бардык автобустар келгенде шаардын муктаждыгы жабылат. Маршруткалар болуп калат, алар борбор калаанын четинде каттайт», — деди аткаминер.
Ал болжол менен келерки жылдын экинчи жарымында автобустар маршруткаларды алмаштыра турганын белгиледи.