Аламүдүн районунда айылдын имамы жарандын жашы жете элек кыз менен никесин кыйгандыгы үчүн кармалды. Бул тууралуу Чүй облусунун ШИИБи билдирди.

Маалыматка ылайык, 63 жаштагы имам 17 жаштагы жашы жете элек кыз менен 28 жаштагы жарандын никесин кыйгандыгы аныкталган.

Аталган факт каттоого алынып, Кылмыш-жаза кодексинин 175-беренеси (Диний ырым-жырымдарды өткөрүүдө нике курагы жөнүндө мыйзамдарды бузуу) боюнча кылмыш иши козголгон. Имам убактылуу кармоо жайына киргизилип, кийинчирек сот аны үй камагына чыгарган.

Кылмыш иши соттук кароого жөнөтүлдү.