09:40, 16 августа 2023, Бишкек - 24.kg
Жалал-Абад облусунда жыландын уусун мыйзамсыз сатууга аракет кылышкан. Бул тууралуу УКМКнын басма сөз кызматы билдирди.
Маалыматка ылайык, Ала-Бука айылынын аймагында чет элдик жаран жана үч кыргызстандык 500 ампуладан ашык уулуу зат Gurza — vipera Leberetna turaniga сатып жаткан жеринен кармалды.
Аталган факт Кылмыш-жаза кодексинин 292-беренеси (Сатып өткөрүү максатында күчтүү таасир этүүчү же уулуу заттарды мыйзамсыз жүгүртүү) боюнча катталды.
Жыландын уусу Кыргызстандын аймагына чектеш өлкөлөрдүн биринен мыйзамсыз алынып келингени аныкталды. Ал зат фармакологияда жана медицинада, ошондой эле синтетикалык баңги заттарды өндүрүүдө колдонулат. Көмүскө базарда гюрза уусунун 1 граммынын баасы 300 доллардан 600 долларга чейин турат.
Кармалгандар УКМКнын тергөө абагына киргизилди. Учурда тергөө иштери жүрүп жатат.