Пенсиянын камсыздандыруу бөлүктөрүн индекстөөнүн жыйынтыгы боюнча пенсиянын орточо өлчөмү 9 миң 413 сомду түзөт. Бул тууралуу Соцфонддун башчысы Бактияр Алиев Акipressке берген маегинде билдирди.
Ал пенсияны 38 пайызга көбөйтүүнү сунуштап жатышкандагын белгиледи. Бирок көбөйтүлгөн сумма 500 сомдон ашпашы керек. Жыйынтыгында, 5 миң сомдон алган 219 миң адамдын пенсиясы 81,1 пайызга котөрүлөт.
5 миң сомдон жогору пенсиялар үчүн камсыздандыруу бөлүгү 38 пайызга индекстелет.
Бирок ар бир пенсионердин акчасынын көбөйүүсү ар кандай болот. Бул пенсиянын камсыздандыруу бөлүгүнүн суммасынан көз каранды.
Мисалы, 5 миңден 10 миң сомго чейин алгандарга орточо эсеп менен 1 миң 470 сом, ал эми 10 миңден 20 миң сомго чейин — 3 миң 932 сом, 20 миңден жогору алгандарга 9 миң 536 сом кошулат.
«Бул иш-чаралар минималдык босогону (500 сом) белгилөө менен аз камсыз болгондордун жана пенсия системасына чоң чегерүүлөрдү жасаган жарандардын кызыкчылыктарын коргойт. Төгүмдөр канчалык көп болсо, индексация ошончолук жогору болот», — деди Бактияр Алиев.
Соцфонддун алдын ала маалыматтарына караганда, 2023-жылдын 1-октябрына карата пенсионерлердин саны 765,6 миң адамды түзөт.
