15:13, 08 августа 2023, Бишкек - 24.kg
Ош облусунда 39 мечит жана 21 диний билим берүүчү мекеме жабылды. Бул тууралуу УКМКнын басма сөз кызматы кабарлады.
Маалыматка ылайык, 20-июлдан тарта улуттук коопсуздук мамлекеттик комитетинин, ИИМдин, дин иштери боюнча мамлекеттик комиссиянын, ӨКМдин, Саламаттык сактоо министрлигинин, президенттин региондогу ыйгарым укуктуу өкүлчүлүгүнүн, «Кадастр» мамлекеттик мекемесинин жана КМДБнын өкүлдөрүнөн турган ведомстволор аралык топ «диний чөйрөдөгү мамлекеттик саясаттын концепциясын» ишке ашыруу боюнча өткөрүлгөн иш-чаралардын алкагында Ош облусунун аймагындагы диний объекттердин ишмердүүлүгүн текшерди.
Текшерүүнүн максаты диний экстремизм идеологиясынын жана салттуу эмес агымдардын жайылышына каршы туруу, ошондой эле облустагы диний кырдаалды жакшыртуу болуп саналат.
Ведомстволор аралык жумушчу топтун өкүлдөрү белгилегендей, кырдаалга терс таасирин тийгизген жана динге ишенгендер арасында радикалдык-экстремисттик идеологиянын жайылышына өбөлгө түзгөн негизги факторлор:
«Дин тутуу эркиндиги жана диний уюмдар жөнүндө» Кыргызстандын мыйзамынын нормаларын, архитектуралык-курулуш, санитардык-эпидемиологиялык нормаларды жана өрт-техникалык коопсуздук талаптарын бузгандыгы үчүн 48 мечитке, 40 диний окуу жайына карата актылар түзүлүп, 15 факты боюнча материалдар ББРге (мечиттер — 9, диний окуу жайлар − 6), 7сү АМС МКЖга каттого алынды.
39 мечиттин жана 21 диний окуу жайынын ишмердүүлүгү токтотулду. Жазылган протоколдордун негизинде 39 диний объекттке айып пул салынды. Мындан тышкары, христиан багытындагы 18 диний мекеме текшерилди.
Тиешелүү документтери жок 39 мечит аныкталды, алар белгиленген архитектуралык-курулуш нормаларын бузуу менен курулгандыктан («кызыл сызыкта» жайгашкан) эсептик каттоого алынбайт.