Президент Садыр Жапаров «Жаштар жөнүндө» мыйзамга кол койду. Маалыматты өлкө башчысынын басма сөз кызматы билдирди.
Мыйзам Жогорку Кеңеш тарабынан 2023-жылы 1-июнда кабыл алынган. Анын негизги максаты — жаштар саясатын калыптандырып, аларды мамлекеттик ишмердүүлүктүн бардык чөйрөлөрүнө тартуу болуп саналат.
Мыйзамда жаштардын ден соолугунун мүкүнчүлүктөрү чектелүү жана аярлуу тобун тартуу үчүн бирдей шарттарды түзүү, жаштар саясатын калыптандырууда мамлекеттик органдар менен жергиликтүү өз алдынча башкаруу органдарынын өз алдынча аракеттенүү маселелери каралган. Ошондой эле, алардын укуктарын жана мыйзамдуу кызыкчылыктарын коргоо, иш менен камсыз кылууга көмөктөшүү, жаштар саясатын финансылык жактан камсыз кылуу дагы камтылган.
