11:21, 01 августа 2023, Бишкек - 24.kg
21-июлдан 27-июлга чейин карантинге алынуучу продукциянын импорту 18 миң 157 тоннаны түздү. Маалыматты Айыл-чарба министрлиги кабарлады.
Чүй облусуна 8 миң 225 тонна айыл чарба азыктары алынып келинген, алардын арасынан дан эгиндери (2 миң 903 тонна) Россия жана Пакистан өлкөлөрүнөн импорттолгон.
Ош облусуна тыштан келген продукциялардын көлөмү 3 миң 133 тоннаны түзүп, Баткенге 2 миң 029 тонна продукция импорттолгон. Бакча өсүмдүктөрү (1 миң 77 тонна) жана мөмө-жемиштер (1182 тонна) өлкөгө Өзбекстандан келген.
Жалал-Абад облусуна 3 миң 569 тонна продукция кирип, анын ичинен 2 миң 824 тонна буудай Россиядан алынган.
Ал эми Нарынга Кытайдан 151 тонна кургатылган манго сатылып алынып, аймактагы жалпы импорт 601 тоннаны түздү. Талас облусуна сырттан келген айыл-чарба продукциялардын басымдуу бөлүгү — ун. Бул жолу коңшу Казакстандан 273 тонна ун импорттолду.