14:23
USD 89.43
EUR 97.22
RUB 0.97

2023-жылдын алты айында Тажикстандын 87 миң жашоочусу орус жарандыгын алды

2023-жылдын биринчи жарымында орус жарандыгын баарынан көп Тажикстандын тургундары алган. Бул тууралуу Орусиянын Ички иштер министрлигинин (ИИМ) өлкөдөгү миграциялык абал тууралуу статистикасында жазылган.

Ага ылайык, быйыл январдан июнь айына чейин орус жарандыгын жалпысынан 87 миңге жакын (болжол менен күнүнө 500дөн) тажикстандык алган. Бул өткөн жылдын алгачкы алты айындагы көрсөткүчкө салыштырмалуу дээрлик 13 миң кишиге көп.

Орусиянын жарандыгын алгандардын саны боюнча экинчи орунда Украинанын жашоочулары (39 миң) турат.

Орусия ИИМи белгилегендей, акыркы жылдары орус жарандыгын алууну каалаган чет өлкөлүктөрдүн саны азаюуда. Алсак, быйыл январь-июнь айларынын аралыгында 205 миңден ашык чет өлкөлүк Орусиянын жарандыгын алган. Бул өткөн жылдын алгачкы алты айына салыштырмалуу 382 миң кишиге аз.

Расмий маалыматтарга ылайык, орус жарандыгын алууну каалаган тажикстандыктардын саны акыркы үч жылдын ичинде көбөйдү. 2020-жылы Тажикстандын 63 миң жашоочусу жарандыгын Орусияныкына алмаштырса, 2021-жылы бул көрсөткүч 103 миңге, 2022-жылы 173 миңге жеткен.

Эң көп окулган жаңылыктар