Баткендеги Сох-Зардалы жолу тазаланып, каттам ачылды

Баткендеги Сох - Кан - Зардалы жолу тазаланып, каттам ачылды. Бул тууралуу Өзгөчө кырдаалдар министрлиги билдирди.

 

Маалыматка караганда,  Баткен районунда 10-апрелде нөшөрлөп жааган жаандын кесепетинен Дара айыл аймагына жакын жайгашкан кокту-колоттордон сел суулары агып, Сох – Кан – Зардалы унаа жолунун 10-11-чакырым аралыгын кум-шагылга толтурган.

 

Мындан улам унаа жол убактылуу жабылган.

 

Тазалоо иштерине №2 жол тейлөө ишканасынан 1 экскаватор тартылып, натыйжада саат 09:00дө унаа жол толук тазаланып, каттам эки тараптуу ачылган.