Кыргызстан менен Өзбекстандын чек араны демаркациялоо боюнча жумушчу топторунун алгачкы жолугушуусу өтүп, сүйлөшүүлөр башталды. Бул тууралуу 7-февралда Өзбекстандын тышкы иштер министринин орун басары Бахромжон Алоев билдирди.
Анын айтымында, жумушчу топтордун 2023-жылдагы жолугушууларынын графиги түзүлгөн жана кийинки жолугушуусу жакынкы убактарда өтөт.
Январдын аягында Кыргызстан менен Өзбекстан эки өлкө ортосундагы чек араны делимитациялоо жараянын аяктап, ратификацияланган грамоталарды алмашкан.
Чек араны делимитациялоо — бул коңшу өлкөлөрдүн ортосундагы мамлекеттик чек араны сүйлөшүү аркылуу аныктоо. Демаркация — чек ара сызыгын жерине барып атайын чек ара белгилери менен белгилөө.
