09:46, 13 сентября 2022, Бишкек - 24.kg
Диний-экстремисттик идеологияны жайылткан чет элдик жаран кармалды. Бул тууралуу УКМКнын басма сѳз кызматы билдирди.
Маалыматка ылайык, кылмыштардын бердиктүү реестрине катталган сотко чейинки өндүрүштүн алкагындагы КР Кылмыш-жаза кодексинин 331-беренесинин 5-бөлүгү («Экстремисттик уюмду түзүү жана каржылоо») боюнча жүргүзүлгөн ыкчам-издөө иш-чараларынын жүрүшүндө, 2022-жылдын 8-сентябрында КР УКМК тарабынан 2018-жылдан бери Кыргыз Республикасынын аймагында мыйзамсыз жүргөн жана мыйзамсыз диний-экстремисттик идеологияны жайылтып жүргөн чет мамлекеттин жараны Ч.Д.Д. кармалды.
Тинтүү иш-чараларынын натыйжасында анын убактылуу жашаган жеринен ноутбуктар, электрондук алып жүрүүчүлөр, банк карталары, көп сандагы телефондор жана сим-карталар, ошондой эле тергөөгө тиешелүү материалдар табылып алынды.
Азыркы учурда кармалган адам КР УКМК тергөө камак жайынын убактылуу кармоо жайына киргизилип, ага карата ыкчам-тергөө иш-чаралары жүргүзүлүүдө.