03:52
USD 89.42
EUR 96.93
RUB 0.98

Алымкадыр Бейшеналиевге карата жети иш козголгону белгилүү болду

Башкы прокуратура саламаттык сактоо министри Алымкадыр Бейшеналиевге карата жети кылмыш ишин козгогонун 2-июнда билдирди.

Мекеменин маалыматына караганда, бир кылмыш иши «коррупция» беренеси боюнча, эки иш «опузалап пара алуу», төрт иш «кызмат абалынан кыянаттык менен пайдалануу жана билип туруп пайдасыз контракт түзүү» беренелеринин негизинде козголду.

«Учурда Башкы прокуратуранын тергөө башкармалыгы тергөө аракеттерин жүргүзүүдө. Тергөөнүн жүрүшүндө кошумча маалыматтар берилет» деп билдирди Башкы прокуратура.

Андан мурдараак Башкы прокуратура министр Бейшеналиев коррупцияга шектелип кармалганын билдирген.

Эң көп окулган жаңылыктар
29-февраль, бейшемби