09:47, 11 марта 2022, Бишкек - 24.kg
Кыргызстанда 11-мартка карата коронавирус дагы 16 адамдан аныкталды. Бул тууралуу Саламаттык сактоо жана социалдык өнүктүрүү министрлигинин басма сөз кызматы билдирди.
Анын айтымында, анын ичинде Бишкек шаарында — 6, Чүй облусунда — 9, Ысык-Көл облусунда — 1 адамдан илдет табылган.
«Ал эми бир суткада 25 адам илдеттен сакайды, анын ичинде Бишкек шаарында — 11, Ош шаарында — 6, Чүй облусунда — 6, Талас облусунда — 1, Баткен облусунда — 1 бейтап айыгып чыкты», — деп айтылат маалыматта.
Сутка ичинде Бишкек шаарында бир бейтап каза болду.
Бүгүнкү күндө стационарларда коронавирустан 161 бейтап, амбулатордук түрдө 210 адам дарыланууда.
Кыргызстанда пандемия башталгандан бери 200 миң 707 адам коронавирус жуктурган. Алардын ичинен 195 миң 786 киши айыгып чыкса, 2 миң 971 адам каза болду.