10:28, 09 марта 2022, Бишкек - 24.kg
«Бишкексууканал» өндүрүштүк-эксплуатациялык башкармалыгынын маалыматы боюнча, 10-мартта саат 9:00дөн 20:00гө чейин «Энесай», «Дордой-1», «Дордой-2» конуштарында таза суу токтотулат. Бул тууралуу мэриянын маалымат кызматы билдирди.
Турак жайларда, мектептерде, мектепке чейинки балдар мекемелеринде, саламаттыкты сактоо мекемелеринде жана башка социалдык-тиричилик объектилеринде жана өнөр жайда убактылуу суу болбойт.
«Энесай» суу алгычында жана шаардагы таза суу түтүктөрүндөгү оңдоо-профилактикалык иштерге байланыштуу суу токтотулат.
Бишкек шаарынын мэриясы келтирилген ыңгайсыздыктар үчүн кечирим сурайт жана шаар тургундарын жана мекемелерди ичүүчү суу камдап алууну суранат.