Мэрия шаардыктарды бирдиктүү канализация тармагына кошулууга чакырды

10:43, 19 января 2022, Бишкек - 24.kg

Жаңы магистралдык канализациялык коллектордун курулушунун эсебинен шаардык канализация тармагынын кеңейтилишине байланыштуу шаарлыктар борборлоштурулган канализация системасына кошулуу мүмкүнчүлүгүн алды. Бул тууралуу мэриянын маалымат кызматы билдирет.

Жаңы канализация коллектору Пригородное айылындагы саркынды сууларды тазалоочу жайдан Ахунбаев көчөсүнө чейин (жалпы узундугу — 11 км) өтөт. Коллекторду төшөө боюнча курулуш иштери алты бөлүккө бөлүнөт жана этап менен ишке ашырылат:

• тазалоочу жайдагы кабыл алуу камерасынан Юбилейная көчөсүндөгү түштүк-батыш коллекторуна чейин (узундугу — 2333 м);
• түштүк-батыш коллектордон Фучик жана Ленская көчөлөрүнүн кесилишине чейин (узундугу — 1657 м);
• Фучик жана Москва көчөлөрүнүн кесилишине чейин (узундугу — 2241 м);
• Кочкор жана Матыев көчөлөрүнүн кесилишине чейин (узундугу — 2304 м);
• Ахунбаев жана Бакаев көчөлөрүнүн кесилишине чейин (узундугу — 2032 м);
• Асаналиев жана Гагарин көчөлөрү менен Кочкорская көчөсүнө чейин (узундугу — 669 м).

Курулуш иштери аяктагандан кийин жаңы коллекторго туташтыруу суроолору боюнча «Бишкекбашкы архитектура» мамлекеттик мекемесинин «Бирдиктүү терезесине» кайрылсаңыздар болот.