22:07
USD 89.43
EUR 97.22
RUB 0.97

COVID-19. Бир суткада 23 кишиден вирус аныкталып, бир бейтап каза болду

Кыргызстанда 20-декабря карата коронавирус дагы 23 адамдан аныкталды. Бул тууралуу Саламаттык сактоо жана социалдык өнүктүрүү министрлигинин басма сөз кызматы билдирди.

Анын айтымында, анын ичинде Бишкек шаарында — 19, Ош шаарында — 1, Жалал-Абад облусунда — 2, Баткен облусунда — 1 адамдан илдет табылган.

«Ал эми бир суткада 29 адам илдеттен сакайды, анын ичинде Бишкек шаарында — 19, Ош шаарында — 5, Чүй облусунда — 2, Ош облусунда — 2, Жалал-Абад облусунда — 1 бейтап айыгып чыкты», — деп айтылат маалыматта.

Сутка ичинде Бишкек шаарында бир бейтап каза болду.

Бүгүнкү күндө стационарларда коронавирустан 301 бейтап, амбулатордук түрдө 338 адам дарыланууда.

Кыргызстанда пандемия башталгандан бери 184 миң 218 адам коронавирус жуктурган. Алардын ичинен 179 миң 311 киши айыгып чыкса, 2 миң 784 адам каза болду.

Эң көп окулган жаңылыктар
23-февраль, жума
22-февраль, бейшемби