Үстүбүздөгү жылдын 1-декабрынан 3-декабрына чейинки аралыкта «Кызыл-Кыя-унаа жолу» бекети жабылат. Бул тууралуу Мамлекеттик бажы кызматынын басма сөз кызматынан билдиришти.
Маалыматка ылайык, аталган аралыкта Кыргызстандын «Кызыл-Кыя-унаа жолу» жана Өзбекстандын «Өзбекстан-унаа жолу» көзөмөл-өткөрүү пункттарында жолдун үстүн жаңыртуу, асфальт төшөө, асфальттоо иштери катарлаш жүргүзүлүп жатканына байланыштуу авто каражаттарынын аталагн посттор аркылуу жүрүшүнө чектөө киргизилет.
Буга байланыштуу белгиленген мөөнөттө кыргыз-өзбек мамлекеттик чек арасынан жүктөрдү жана транспорттук каражаттарды өткөрүү «Достук- унаа жолу» өткөрүү пункту аркылуу ишке ашырылат.
Бажы кызматынан кошумчалашкандай, 2021-жылдын 4-декабрынан тарта «Кызыл-Кыя-унаа жолу» бекети кадимки тартипте иштей баштайт.
