11:00, 15 октября 2021, Бишкек - 24.kg
«Ата Мекен» партиясы Конституциялык сотко кайрылды. Бул тууралуу маалыматты 24.kg агенттигине Клара Сооронкулова ырастады.
Анын айтымында, партия Шайлоо жөнүндөгү мыйзамдагы Жогорку Кеңештин депутатынын билим деңгээлине коюлган талапты жокко чыгарууну суранат.
«Жогорку билим боюнча талап конституцияга каршы. Андыктан аны жокко чыгарууну сурандык. Биздин арыз кароого алынды», — дейт Клара Сооронкулова.
Белгилей кетсек, шайлоо 28-ноябрда өтөт.