09:34, 02 августа 2021, Бишкек - 24.kg
Республикалык бюджеттин эсебинен сатылып алынган 1 миллион 250 миң доза өлчөмүндөгү коронавирус инфекциясына каршы Sinopharm кытай вакцинасынын жаңы партиясы жеткирилди. Бул тууралуу министрлер кабинетинин басма сөз кызматы билдирет.
Маалыматка ылайык, министрлер кабинети жарандарды өзүн жана жакын адамдарын сактап, вакцинацияланууга чакырат.
Белгилей кетсек, ушул жылдын июль айынын башында республиканын жетекчилигинин тапшырмасы боюнча 1 млн 100 миң доза кытай вакцинасы сатылып алынган. Жалпысынан 2 млн 350 мин доза сатылып алынды.