2021-жылы 30-апрелге карата Кыргызстандын мамлекеттик карыздын көлөмү 4 миллиард 933,6 миллион долларды (418 млрд 322,79 млн сом) түздү. Бул тууралуу Экономика жана финансы министрлигинин басма сөз кызматы билдирди.
Анын 84,8 пайызы, же 4 миллиард 182,95 миллион доллар (354 713,66 млн сом) тышкы карыз. Ал эми 15,2 пайызы, 750,11 миллион доллар (63 609,14 млн сом) ички карыз.
2021-жылы январь-май айларында Кыргызстандын республикалык бюджетинен мамлекеттик карызды тейлөөгө 13 млрд 178,1 млн сом бөлүнгөн.
