Баткенде дайынсыз болуп жаткан 60 жаштагы адамды издөө уланууда. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Баткен районундагы Кара-Бак айылынын тургуну 60 жаштагы эркек киши 14-май күнү үйүнөн чыгып кеткен бойдон дайынсыз жоголгон. Жергиликтүү тургундар өз алдынча издөө иштерин жүргүзүшкөн, бирок натыйжа болгон эмес. Аталган жарандын кийимдери Кожош-Кен суусунун жээгинен табылаган.
20-май күнү издөө иштерин жүргүзүү үчүн ӨКМден жалпы 25 куткаруучу, ИИМден 6 кызматкер, жергиликтүү тургундардан 50 адам тартылган. Натыйжа болгон эмес.
Бүгүн, 21-май күнү издөө иштери улантылат.
