09:31, 19 апреля 2021, Бишкек - 24.kg
Сузакта сууга чөгүп кеткен кыздын сөөгү табылды. Бул тууралуу Өзгөчө кырдаалдар министрлиги кабарлады.
Жалал-Абад облусунун Сузак районундагы Жалгыз-Жаңгак айылында Көк-Арт дарыясына 13 жаштагы кыз чөгүп кеткен.
Жеринде издөө иштерин жүргүзүү үчүн жалпы 14 куткаруучу тартылган. Бирок куткаруучулар жеткенге чейин жергиликтүү тургундар тарабынан кыздын сөөгү табылып, туугандарына өткөрүлүп берилген.