10:47, 30 марта 2021, Бишкек - 24.kg
Жети-Өгүз районундагы жол кырсыгынан 3 адам жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 29-март күнү саат 18:26 чамасында Ысык-Көл облусундагы Жети-Өгүз районунда Балыкчы-Бөкөнбаев-Каракол унаа жолунун 194-чакырымында (Тилекмат айылы) «Honda-Avancier» жана «BMW-525» үлгүсүндөгү унаалардын катышуусунда жол кырсыгы катталган.
Кырсыктын кесепетинен 3 эркек киши жабыркаган.
Жерине 4 куткаруучу тартылып, кыпчылып калган 35 жаштагы эркек кишини унаадан чыгарышкан. Ал эми, жабыркаган 2 эркек кишини (аты-жөндөрү такталууда) тез жардам кызматы облустук ооруканага алып кеткен.