17:44, 04 февраля 2021, Бишкек - 24.kg
Бүгүн, 4-февралда Бишкектин Биринчи май райсотунда кримтөбөл Азиз Батукаевдин абактан мыйзамсыз бошотулушу боюнча соттук отурум болуп өттү.
Жараяндын жүрүшүндө экс-президенттин бөгөт чарасы каралды. Жактоочулар сотко Алмазбек Атамбаевди үй камагына бошотуу өтүнүчүн келтиришти. Бирок сот адвокаттардын өтүнүчүн канааттандырган жок.
Соттун чечими менен мурунку президент Алмазбек Атамбаев дагы эки айга 2021-жылдын 7-апрелине чейин камакта калмай болду.
Адвокат Замир Жоошев бул маселе боюнча чечим атайылап создуктурулуп келгенин билдирди. Атамбаевдин абакта отурганына бир жылдан ашты, мурунку президент ден соолугунун абалына байланыштуу акыркы убактарда соттук отурумдарга келүүдөн баш тартууда.