Токмок шаарында «Токмок графы» лакап аты менен белгилүү болгон ишкер Алижан Ибрагимовдун жаназасы өтүүдө. Күбөлөрдүн айтымында, ага Казакстан жана Россиядан коноктор келишти.
Ишкерди акыркы сапарга узатууга атайын чартердик каттам менен белгилүү бизнесмендер учуп келгени маалымдалат.
Кыргызстандын саясатчыларынан Өмүрбек Бабанов катышууда. Андан сырткары Жогорку Кеңештин депутаттары Канат Исаев, Иса Өмүркулов, Фархад Тулендыбаев дагы маркумдун үйүнө барышты.
Айрым маалыматтарга караганда, Алижан Ибрагимов «Жерүй» кенинин лицензиясын сатып алган ишкерлердин бири.
