09:46, 27 января 2021, Бишкек - 24.kg
Кечээ, 26-январда Каракол — Бөкөнбаев — Балыкчы унаа жолунун 11-чакырымында жол кырсыгы катталды. Бул тууралуу Өзгөчө кырдаал министрлиги билдирет.
Маалыматка ылайык, BMW 525 жана Subaru Legasy үлгүлөрүндөгү унаалары кагылып, кырсыктын кесепетинен 2000-жылы туулган жаш бала каза болуп, 8 адам жабыркаган. Учурда алардын аты-жөндөрү такталууда.
Куткаруучулар жеткенге чейин жабыркаган жарандарды тез жардам кызматы аркылуу Каракол шаарындагы облустук ооруканага жеткирилген. Маркумдун жансыз денесин унаадан чыгарышып ИИМ кызматкерлерине өткөрүп беришкен.