11:09, 25 января 2021, Бишкек - 24.kg
Кечээ Ысык-Көлдөн келе жатып ырчы Анжелика Кайратова жол кырсыгына кабылды. Бул тууралуу анын жакындары маалымдашты.
Ырчы учурда Бишкек шаарындагы травматология жана ортопедия борборунун жандандыруу бөлүмүндө жатат. Анын омурткасы сынган. Ага кечээ профессор Сабырбек Жумабеков шашылыш операция жасады, дагы бир операция жасоо пландалууда. Абалы оор бирок туруктуу экени айтылууда.
Анжелика менен бирге унаада үч кызы тең болгон. Унааны курбусу башкарып бара жатканы маалымдалат.
Эң кичүү кызы Айлиндин буту сынып, ага дагы операция жасалды.