15:15, 14 января 2021, Бишкек - 24.kg
2020-жылы ички дүң продукт алдын ала баалоо боюнча 598 миллиард сомдон ашты. Бул тууралуу Улуттук статистикалык комитет билдирди.
Анын айтымында, ИДӨнүн көлөмү 2019-жылга салыштырмалуу 8,6 пайызга төмөндөдү. «Кумтөр» кен казуу ишканаларын эсепке албаганда 9 пайызга азайды.
Экономикалык көрсөткүчтөр баардык тармактарда түшкөн. Өнөр жай продукциясынын көлөм 6,6 пайызга, курулуш тармагы 15,9 пайызга кыскарды.
Айыл чарбада тескеринче 1,1 пайызга өсүү болду.
2020-жылы баалар жана тарифтер дагы жогорулады. Улуттук статком айрыкча Талас облусунда тамак-ашка жана алкоголсуз суусундуктарга баалардын (23,5 пайыз) өскөнүн белгилейт.