Сокулукта тойдон кийин 70 ашык киши ооруканага ууланууга даттанып кайрылды. Бул тууралуу 24.kg агенттигине Чүй облустук санитардык-эпидемиологиялык көзөмөл борборунун башкы дарыгери Улукбек Бектурганов билдирди.
Анын айтымында, 16 киши ооруканага жаткырылып, калганы үйдөн дарыланууда.
«Уулангандардын абалы туруктуу. Бүрсүгүнү ооруканадан чыгарылат. Алдын-ада билдирүүгө караганда тооктун этинен ууланышкан. Тойдун коноктору этти үйүнө алып кетишкен», — дейт ал.
