2020-жылдын 11 ай ичинде Кылмыштар жана жоруктардын бирдиктүү реестрине үй-бүлөлүк зомбулук боюнча 8 миң 337 факты катталган. Бул тууралуу өкмөт үйүндөгү маалымат жыйында эмгек жана социалдык өнүгүү министринин орун басары Улан Маматканов билдирди.
Анын айтымында, 2019-жылы үй-бүлөлүк зомбулук боюнча 8 миң 337 факты катталган.
«Үй-бүлөлүк зомбулук боюнча 25 жаран шектелип, 48 саатка камалган. Алардын ичинен Бишкекте 13, Чүйдө 5, Ысык-Көлдө бир, Ош облусунда бир, Талас облусунда бир жана Баткен облусунда 4 жаран кармалган», — дейт ал.
Жогорку соттун маалыматы боюнча үй-бүлөлүк зомбулукка байланыштуу 71 иш келип түшкөн. Жалпы 49 адам жапа чеккен. Арасында 11 жашы жете элек бала.
