15:13, 10 декабря 2020, Бишкек - 24.kg
Баткенде жол кырсыгына кабылган унаадан баңги зат табылды. Бул тууралуу облустук Ички иштер башкармалыгынан билдиришти.
Маалыматка караганда, кырсык 7-декабрь күнү Баткен районунун Жаңы-Жер айылында болгон.
Ош-Исфана унаа жолунун 221 чакырымында «Хендай солярис» үлгүсүндөгү автоунаа жолдон чыгып кеткен.
Автоунаанын айдоочусу Жалал-Абад облусунун 31 жаштагы А.Ж. аттуу тургуну экендиги аныкталган. Унаанын арткы жүк салгычынан кызыл-кара түстөгү «Sports» деген жазуусу бар спорттук сумка табылып алынып, салмагы 3кг болгон банги зат табылды.