12:20, 01 декабря 2020, Бишкек - 24.kg
Бишкектин Жукеев-Пудовкин көчөсүндөгү Онкология институтунун жанындагы жылуулук түтүгү өткөн кудуктан адамдын сөөгү табылды. Бул тууралуу Өзгөчө кырдаалдар министрлиги билдирет.
Маалыматка караганда, 47 жаштагы эркек кишинин жансыз денеси 30-ноябрда саат 12:40та табылган.
Куткаруучулар маркумдун сөөгүн кудуктан чыгарышып, милиция кызматкерлерине өткөрүп беришкен.