11:09, 19 октября 2020, Бишкек - 24.kg
Президенттикке шайлоону Жогорку Кеңештин депутаттары жарыялашат. Бул тууралуу 24.kg агенттигине Боршайкомдун мүчөсү Кайрат Осмоналиев билдирди.
Анын айтымында, парламенттин депутаттары президенттик шайлоонун күнүн 6-ноябрга чейин аныкташы керек.
«Президенттик жана парламенттик шайлоону чогуу өткөрсө болот. Ага 400-450 миллион сом сарпталышы мүмкүн», — дейт Кайрат Осмоналиев.
Белгилей кетсек, президенттин отставкасынан кийин үч ай ичинде шайлоо өтүүсү зарыл. Экс-президент Сооронбай Жээнбеков 16-октябрда отставкага кетти.