10:53, 25 сентября 2020, Бишкек - 24.kg
Бир сутка ичинде өлкө боюнча 13 медициналык кызматкер коронавирус жуктуруп алганы аныкталды. Бул тууралуу Саламаттыкты сактоо министрлиги билдирет.
Алардын маалыматында, Бишкек шаарында — 4, Ош облусунда — 2, Ош шаарында — 1, Жалал-Абад облусунда — 2 жана Баткен облусунда — 4 медиктен вирус аныкталды.
Ал эми бир суткада ооруканалардан 5 медкызматкер жана үй карантининен 17 медкызматкер айыгып чыгарылган.
Жалпысынан республика боюнча COVID-19 диагнозу менен медициналык кызматкерлер арасында — 3227 учур катталды, алардын ичинен 2918 медкызматкер айыгып чыкты.