Кафе-ресторан жана тойканаларга 50дөн ашык кишини кабыл алууга уруксат бериле элек. Бул тууралуу брифингде премьер-министр Кубатбек Боронов билдирди.
Өкмөт башчысы кафе-ресторандарга эскертүү жасап, азырынча аларга толук иштөөгө урусат берилбегенин айтты.
«Республикалык штабда маселе каралмайынча, алардын ачылбастыгын эскертемин. Азыркы тапта, жарандардан, ишкерлерден кафе-ресторандарды 100-150 орунга чейин көбөйтүү боюнча талаптар, суранычтар болууда. Бирок, биз биринчиден кырдаалды эске алып, экинчиден кафе-ресторандардын ээелери менен биргеликте шарттарды туура түзгөнгө жетише ала турган болсок, анда бул маселени караганга мүмкүнчүлүк туулат», — деди Кубатбек Боронов.
