11:20, 15 сентября 2020, Бишкек - 24.kg
Баткен облусунда эпидиомологиялык абал кооптуу. Бул тууралуу брифингде саламаттыкты сактоо министри Сабиржан Абдыкаримов билдирди.
Анын айтымында, Баткен облусунда вирустун жайылуусу башка аймактарга салыштырмалуу көп.
«Үч аймакта кырдаал кооптуу. Мисалы, 7-10 сентябрга карата республика боюнча Баткен облусунда, Ысык-Көл жана Бишкек шаарында нормадан ашыкча вирус жугузуу катталды. Айрыкча Баткенде абал оор», — дейт министр.
Акыркы суткада Баткенде 23 кишиден вирус аныкталып, жалпы саны 2 миң 585ге кишиге жетти.
Сабиржан Абдыкаримовдун айтымында, 25-июндан тарта Кыргызстанда коронавирустун жайылышы азаюуга түштү. Азырынча өсүү байкала элек.