13:40, 17 июля 2020, Бишкек - 24.kg
УКМКнын кызматкерлери тыюу салынган «Хизб ут-Тахрир» диний экстремисттик уюмунун мүчөсүн кармашты. Бул тууралуу УКМКнын пресс-кызматы маалымдады.
Кылмышка шектүү адам жаңы мүчөлөрдү жалдоого жана Бишкектеги диний-экстремисттик уюмдун деструктивдүү идеологиясын жайылтуу менен алектенгендиги аныкталган.
Кылмышка шектүү КМШ өлкөлөрүнүн биринде өзгөчө оор кылмыш жасагандыгы үчүн издөөдө жүргөн. Ал УКМКнын тергөө абагына камалды.